اسلام آباد۔26جنوری(اے پی پی) پاکستان سویڈن تے ہالینڈ اچ قرآن پاک دی بے حرمتی دی اڄوکی کارروائیاں دی شدید مذمت کریندے ہوئیں آکھیے جو انہاں قابل مذمت اتے افسوسناک واقعات توں پوری دنیا دے ݙڈھ ارب توں ودھ مسلماناں دے مذہبی جذبات مجروح تھئن ۔ دفتر خارجہ دی ترجمان ممتاز زہرا بلوچ خمیس کوں ہفتہ وار پریس بریفنگ اچ آکھیے جو اساں قرآن پاک دی بے حرمتی دے انہاں واقعات کوں نسل پرستی، زینو فوبک اتے اسلامو فوبیا دے طور تے ݙٰیکھدوں ۔ ترجمان آکھیے انہاں قابل مذمت اتے افسوسناک واقعات توں پوری دنیا دے ݙڈھ ارب مسلماناں دے مذہبی جذبات مجروح تھئن ۔ انہاں آکھیے انہاں واقعات دا ھکو مقصد مسلم اقلیتاں دے خلاف تشدد کوں ہوا ݙیوݨا اے ، پاکستان سویڈن اتے ہالینڈ کوں آپݨے تحفظات بارے ݙسائے تے ݙوہیں ملکاں دی حکومتاں تے زور ݙتے جو او اسلامو فوبیا دی کارروائیاں دے خلاف ٹھوس اقدامات کرن۔
