اسلام آباد۔26جنوری(اے پی پی) وزیر مملکت خارجہ امور حنا ربانی کھر30 جنوری کوں جنیوا اچ اقوام متحدہ دی انسانی حقوق کونسل اچ پاکستانی وفد دی قیادت کریسن ۔ اے ڳالھ دفتر خارجہ دی ترجمان ممتاز زہرا بلوچ خمیس کوں پریس بریفنگ اچ ݙسائی ۔ انہاں آکھیے وزیر مملکت انسانی حقوق کونسل اچ یونیورسل پیریاڈک ریویو دے عمل دے تحت پاکستان دی قومی ترقی دی رپورٹ پیش کریسن ، اے پاکستان دا چوتھا جائزہ ہوسی، ایں توں پہلے 2008، 2012 اتے 2017 اچ ایں عمل دے تحت پاکستان دا جائزہ ڳھدا ڳئے۔ ترجمان آکھیے وزیر مملکت اپݨی پریزنٹیشن اچ پاکستان دی طرفوں گزریل پنج سال اچ انسانی حقوق دے تحفظ سانڳے کیتے ڳئے قانونی، پالیسی، انتظامی اتے ادارہ جاتی اقدامات دا خاکہ پیش کریسن ، ایں توں انڄ او عالمی انسانی حقوق دےحوالے نال پاکستان دی اہم شراکت کوں وی اجاگر کریسن ۔ اےامر قابل ذکر اے جو یونیورسل پیریاڈک ریویو 2007 اچ قائم بݨایا ڳیا جیڑھا جو انسانی حقوق کونسل دا ھک اہم طریقہ کار ہے جیں دے تحت اقوام متحدہ دے سارے رکن ملکاں دے انسانی حقوق دے ریکارڈ دا ہر چار توں پنج سال بعد جائزہ ڳھدا ویندے ۔
