اسلام آباد۔26جنوری(اے پی پی)وزیرمملکت پٹرولیم مصدق ملک آکھیے جو روس توں تیل ڳھنݨ کیتے معاہدہ تھی ڳئے، تیکھے سستا تیل ملݨ لڳ ویسی۔ انہاں آکھیا جو روسی وفد نال ݙیݙھ مہینے پہلے ڳالھ مہار شروع تھئی ہئی اتے مارچ تئیں معاہدہ طے پاوݨ دی امید کیتی ڳئی ہئی ٻھل اے معاہدہ پہلے ہی کر ڳھدا ڳئے۔ اسلام آباد اچ پریس کانفرنس کریندے انہاں آکھیا جو وزیراعظم سستے تیل بارے اپݨا وعدہ پورا کر ݙکھائے، آندے انہالے توں پہلے سستا تیہل اتے گیس ملݨ لڳ ویسی جو وزیر اعظم دا ہکو مڳسد اے جو ملک کوں اڳو تے ڳھن ونڄݨے اتے ترقی ݙیوݨی اے تاں جو نینگراں کوں روزگار ملے، لوکاں کوں معیاری تعلیم اتے صحت دی سہولت ہووے۔ انہاںآ کھیا جو وزیراعظم توانائی دے سستے ذرائع ڳولݨ دی ہدایت کیتی اے جو عوام سوکھے تھیون۔
