ملتان۔27جنوری(اے پی پی) ڈائریکٹرایئر یونیورسٹی ملتان کیمپس چک 5فیض ڈاکٹر غلام علی نجی سکول وکالجز دے پرنسپلزدے وفد ںال ملاقات کیتی تے آکھیے جو ایئر یونیورسٹی جنوبی پنجاب دی ترقی کیتے کردارادا کریندیاں پئن ۔ انہاں آکھیے جو کیمپس اچ تعلیم دے نال نال طلبہ دی کردارسازی تے وی توجہ ݙتی ویندی پئی اے اساں چاہندوں جو ایئر یونیورسٹی دے طلبہ ڈگری گھنݨ دے بعد ملکی ترقی اچ کردار ادا کرن ۔کیمپس اچ تعلیم اتے ڈسپلن تے سمجھوتہ نی کیتا ویندا ایہا وجہ اے جو ائیریو نیور سٹی داشمارملک دی ٹاپ ٹین یونیورسٹیز اچ تھیندے ۔ ایں موقع تے ایچ او ڈی میتھ میٹکس ڈاکٹرزبیراکبرقریشی،ایچ اوڈی کمپیوٹرسائنس ڈاکٹرکلیم رزاق ملک،اسسٹنٹ ڈائریکٹرممتازخان نیازی اتے ایڈمن آفیسرمنیراحمدوی موجودہن ۔
