لاہور۔27جنوری(اے پی پی)صدر مملکت ڈاکٹر عارف علوی ملکی جامعات اتے اعلیٰ تعلیمی اداریاں کوں آکھیے جو او قومی اتے معتبر بین الاقوامی جامعات نال بامعنی و عملی روابط ٻمیدے ہوئے ہک ٻئے دے بہترین طرز عمل، تجربات، اختراعات و تخلیقی صلاحیتاں توں فیدہ چاون، تعلیم یافتہ و ہنر مند افرادی قوت دی لوڑھ سانڳے روایتی ذریعہ تعلیم دے نال نال ہائبرڈ اتے آن لائن تدریسی طریقہ کار استعمال کرن۔ اے ڳالھ انہاں لاہور یونیورسٹی آف مینجمنٹ سائنسز (لمز) دے دورے ویلھے ایڈوائزری بورڈ اجلاس دی صدارت کریندے کیتی۔ اجلاس اچ لمز دے پرو چانسلر عبدالرزاق دائود، ریکٹر شاہد حسین، وائس چانسلر ڈاکٹر ارشد احمد، بورڈ آف ٹرسٹیز اتے ایڈوائزری بورڈ دے ممبران اتے یونیورسٹی دی سینئر قیادت شرکت کیتی۔ صدر مملکت آکھیا جو ملکی جامعات کوں تعلیم، تحقیق و ترقی دے میدان اچ اڳونہی رکھݨی ہوسی ڄݙاں جو پالیسی و فیصلہ سازاں، ریگولیٹری اداراں اتے بیوروکریسی کوں جدت اتے ترقی دے خلاف اپݨی روایتی مزاحمت تے قابو پاوݨا چاہیدے، ملک کوں جديد اتے ترقی یافتہ ملک ٻݨاوݨ کیتے فوری فیصلے کرݨے ہوسن۔
