اسلام آباد۔27جنوری(اے پی پی)وزیراعظم محمد شہباز شریف 8 واری سکواش دے عالمی چیمپئن اتے 6 واری برٹش اوپن چیمپئن جیتݨ آلے لیجنڈ کھیݙاڑی جان شیر خان کوں زبردست خراج تحسین پیش کریندے آکھیے جو جان شیر خان پاکستان دا ناں ڄڳ اچ اچا کیتے، پوری قوم کوں تہاݙے تے ماݨ اے، ملک اچ سکواش کوں مقبول ٻݨاوݨ اتے ترقی کیتے بہترین خدمات ہین، نینگراں کوں کھیݙاں دے میدان، سہولتاں ݙیوݨ سافی ترجیح اے۔ اے ڳالھ انہاں سکواش دے ڄڳ مشہور کھلاڑی اتے سابق عالمی چیمپئن جان شیر خان نال ملݨ ویلھے آکھی۔ وزیراعظم آکھیا جو جان شیر خان اتے انہاں دے سارے ٹٻر سکواش اچ پاکستان دا ناں ودھائے، حکومت سکواش سودھا سارے کھیݙاں دی ترقی کیتے بہترین کم کریندی پئی اے۔ سابق عالمی چیمپئن جان شیر خان وزیراعظم کوں سکواش کیتے اپݨیاں کوششاں دا ݙسایا جو او نینگر کھیݙاڑیاں دی تربیت کریندے پن۔
