اسلام آباد۔28جنوری (اے پی پی) صدر مملکت دی اسلام آباد ہیلتھ کیئر ریگولیٹری اتھارٹی کوں شفا انٹرنیشنل ہسپتال اسلام آباد توں29 لکھ روپے دی رقم شہری دی دھی کوں واپسی کرݨ دی ہدایت، مریض دی موت ہسپتال دے ڈاکٹراں دی طبی غفلت، پیشہ وارانہ بد انتظامی پاروں تھئی اے۔ چھݨ چھݨ کوں ایوان صدر دے پریس ونگ ولوں جاری بیان موجب صدر ڈاکٹر عارف علوی ولوں ہسپتال تے نو لکھ روپے دے جرمانے دا حکم وی برقرار رکھیا ڳیا۔ صدر وفاقی محتسب دے فیصلے دے خلاف ہیلتھ اتھارٹی دی درخواست مسترد کریندیں ہوئیں آکھیا جو ماضی اچ ایجھے کیس اچ شفا تے نہ صرف جرمانہ لاتا ڳے بلکہ میڈیکل بل واپسی کرݨ دی وی ہدایت کیتی اے۔ شکایت کرݨ آلی مرحومہ دی دھی نال امتیازی سلوک کیتا ڳے۔ صدر ڈاکٹر عارف علوی آکھیا جو ڈاکٹر اقتدار محمود دارا v/s شفا انٹرنیشنل ہسپتال اسلام آباد کیس اچ شکایت کنندہ شہری کوں میڈیکل بل وی واپسی کیتے ڳے۔
