اسلام آباد۔1فروری(اے پی پی) وفاقی وزیر اطلاعات و نشریات مریم اورنگزیب تھاݨہ مکڑوال میانوالی اچ دہشت گردحملہ ناکام بݨاوݨ تے پنجاب پولیس کوں خراج تحسین پیش کریندے ہوئیں آکھیے دہشت گرداں دے خاتمے کیتے پنجاب پولیس اتے سی ٹی ڈی دا جذبہ تے کارکردگی لائق تحسین اے۔ آپݨے بیان اچ وفاقی وزیر مریم اورنگزیب آکھیے سابق وزیراعظم نواز شریف اتے وزیراعلی شہباز شریف دہشت گردی مکاوݨ کیتے پنجاب پولیس اتے سی ٹی ڈی کوں جدید اسلحے اتے تربیت نال موثر فورس بݨایا ۔دہشت گردی مکاوݨ کیتے پولیس تے سی ٹی ڈی کوں جدید ہتھیاراں، ٹیکنالوجی اتے تربیت نال مزید مظبوط بݨاوݨ ویلھے دی لوڑھ اے ۔ انہاں آکھیے قوم کوں آپݨی فورسز تے فخر اے، دہشت گردی دے خلاف افسران اتے جواناں دے جذبے کوں سلام پیش کریندوں۔
