اسلام آباد۔1فروری(اے پی پی):وفاقی وزیر اطلاعات و نشریات مریم اورنگزیب آکھیے مسلم لیگ(ن) دی سینئر نائب صدر اتے چیف آرگنائزر مریم نواز اڄ (ٻدھ کوں)ملک گیر تنظیمی دوریں دا آغاز کریسن ، او بہاولپور ڈویژن توں تنظیمی سرگرمیاں دا آغاز کریسن ۔آپݨے ھک بیان اچ وفاقی وزیرمریم اورنگزیب آکھیے جومریم نواز اڄ بہاولپور پڄسن ۔مسلم لیگ (ن) پنجاب دے صدر رانا ثناء اللہ خاں وی رلے ہوسن ، مریم نواز اڄ بہاولپور اچ تنظیمی کنونشن توں خطاب کریسن ۔ تنظیمی کنونشن اچ نویں عہدیداران شامل تھیسن ۔ پارٹی دے مقامی عہدیداراں دا تنظیمی اجلاس وی منعقد تھیسی ۔مریم نواز دی صدارت اچ موجودہ تنظیمی ڈھانچے دا جائزہ ڳھدا ویسی ۔پارٹی دے مقامی عہدیداراں اتے کارکناں دے اجلاس اچ تنظیمی امور تے غور تھیسی ۔
