اسلام آباد۔1فروری (اے پی پی) صدر مملکت ڈاکٹر عارف علوی آکھیا جو علمائے کرام اتے مشائخ قرآن، سنت اتے احادیث نبویﷺ دی روشنی اچ اسلام دی حقیقی تعلیمات اجاگر کرتے اپݨا کردار نبھاون۔ صدرمملکت اے ڳالھیں علماءمشائخ یکجہتی کونسل آف پاکستان دے وفد نال ڳالھ مہاڑ کریندیں ہوئیں آکھی جنہاں بدھ کوں ایوان صدر اچ انہاں نال ملاقات کیتی۔ وفد دی قیادت علماءمشائخ یکجہتی کونسل آف پاکستان دے چیئرمین قاری ہدایت اللہ میرانی کریندے پے ہن۔ وفد اچ محمد یونس قریشی، مولانا گل ولی، میجر احتشام الدین کیانی، پروفیسر عبدالغفار شاہ بخاری، عبدالرحیم عباسی، نور الٰہی، فہد مقصود، حمید اللہ خان، شیخ مظہر حسین، شیخ ضیاءالرحمن، علامہ مفتی محمود احمد تبسم، اتے جمال خان شامل ہن۔ صدرمملکت وفد نال ڳالھ مہاڑ کریندیں ہوئیں آکھیا جو پاکستان اچ دہشت گردی اتے عسکریت پسندی دے چیلنجز کیتے انسداد انتہاپسندی اتے انسداد دہشتگردی دے شعبیاں اچ علمائے کرام ولوں سانجھی کوششاں دے نال ہک جامع پلان دی لوڑھ اے۔ علمائے کرام اتے مشائخ قرآن، سنت اتے احادیث نبویﷺ دی روشنی اچ اسلام دی حقیقی تعلیمات اجاگر کرتے اپݨا کردار نبھاون۔
