3فروری توں برطانیہ اتے یورپ اچ”ہفتہ یکجہتی کشمیر“ بارے تقریباں شروع تھی ویسن

لندن ۔1فروری (اے پی پی) جموں تے کشمیر تحریک حق خودارادیت انٹرنیشنل دے بانی چیئرمین راجہ نجابت حسین دی قیادت اچ 3فروری توں برطانیہ اتے یورپ اچ”ہفتہ یکجہتی کشمیر“ بارے تقریباں شروع تھی ویسن۔ کشمیر میڈیا سروس موجب تحریک حق خودارادیت ولوں جاری بیان اچ آکھیا ڳیا جو ” ہفتہ یکجہتی کشمیر“ دی افتتاحی تقریب برطانیہ دے شہر اولڈہم اچ تھیسی جئیں اچ کل پارلیمانی پارٹیز فرینڈز گروپ آف کشمیر دی چیئرپرسن رکن پارلیمنٹ ڈیبی ابراہمز ، سینئر وائس چیئرمین شیڈو منسٹر رکن پارلیمنٹ بیرسٹر عمران حسین ، چیئرمین لیبر فرینڈز آف کشمیر برطانیہ شیڈو منسٹر رکن پارلیمنٹ اینڈریو گوائن ، پروفیسر تقدیس گیلانی پارلیمانی سیکرٹری حکومت آزاد کشمیر، طارق وزیر قونصل جنرل پاکستان مانچسٹر، زوبیہ خورشید راجہ یوتھ لیڈر پیپلزپارٹی آزاد کشمیر اتے ٻے سارے زندگی دے شعبے اتے ذرائع ابلاغ دے نمائندے شریک تھیسن۔ جموں کشمیر تحریک حق خودارادیت انٹرنیشنل دی ٹیم برطانیہ دے شہراں بریڈ فورڈ، برمنگھم اتے لندن اچ یوم یکجہتی کشمیر بارے اجلاس اتے سیمینارز کراوݨ دے نال نال آل پارٹیز انٹرنیشنل کشمیر رابطہ کمیٹی برطانیہ ولوں برمنگھم اچ امن مارچ اچ وی شریک تھیسن۔