اسلام آباد۔1فروری(اے پی پی)مسلم لیگ (ن) دے رہنما اتے وفاقی وزیر منصوبہ بندی احسن اقبال آکھیے جو آئی ایم ایف سخت ترین شرائط ݙتن اتے او نک دے لیکے کݙھویندا پئے۔ ہک تقریب نال خطاب کریندے انہاں آکھیا جو آئی ایم ایف دیاں شرطاں پچھلی حکومت من تے ڳئی ہئی، عمران خان ویندے ترقیاتی بجٹ کیتے کڄھ نئیں چھوڑیا، حکومت معیشت دی بہتری کیتے ہر ݙینھ کم کریندی پئی اے۔ انہاں آکھیا جو پاکستانی قوم غیر یقینی سیاسی صورت حال توں ٻہوں ڳھاٹا چاتے، ملک اچ ایکسپورٹ کیتے کݙاہیں سنجیدہ کوششاں نئیں کیتاں ڳیاں، ایکسپورٹ پاکستان کوں ڈالر دی قلت اتے غیراں دی محتاجی توں بچا سڳدن۔
