اسلام آباد۔2فروری (اے پی پی):وزیر اعظم محمد شہباز شریف اڄ خمیس کوں ھک ݙینھ دے دورے تے کراچی ویسن ۔ وزیراعظم آفس دے میڈیاونگ توں جاری بیان موجب وزیر اعظم چین دی شراکت نال تعمیر تھیوݨ آلے کراچی نیوکلئیر پاور پلانٹ (KANUPP) دے تریجھے یونٹ (K-3) دی افتتاحی تقریب اچ بطور مہمان خصوصی شرکت کریسن ۔ایں منصوبے دے آغاز توں کراچی اچ نیوکلئیر پاور پلانٹ کنوں بجلی دی مجموعی پیدوار 2200 میگاواٹ تھی ویسی ۔ وزیراعظم K-3 پاور پلانٹ تختی دی گھنڈ کھلائٰ کریسن تے ٻوٹا وی لیسن ۔ایں موقع تے وزیر اعظم تقریب دے شرکا توں خطاب وی کریسن ۔
