اسلام آباد۔2فروری(اے پی پی):وزیر اعظم شہباز شریف خمیس کوں ھک ݙینھ دے دورے تے کراچی روانہ تھی ڳئن ۔ وزیراعظم آفس دے میڈیاونگ توں جاری بیان موجب وزیر اعظم چین دی شراکت نال تعمیر تھیوݨ آلے کراچی نیوکلیئر پاور پلانٹ (KANUPP) دے تریجھے یونٹ (K-3) دی افتتاحی تقریب اچ بطور مہمان خصوصی شرکت کریسن ۔ایں منصوبے دے آغاز نال کراچی اچ نیوکلیئر پاور پلانٹ توں بجلی دی مجموعی پیدوار 2200 میگاواٹ تھی ویسی ۔ وزیر اعظم K-3 پاور پلانٹ دی تختی دی نقاب کشائی کریسن تے ٻوٹا وی لیسن ۔ایں موقع تے وزیر اعظم تقریب دے شرکا توں خطاب وی کریسن ۔
