حکومت تے کے الیکٹرک دے درمیان امور طے کرݨ کیتے ٹاسک فورس بݨائی ڳئی اے ، انجینئرخرم دستگیر

اسلام آباد۔3فروری(اے پی پی):وفاقی وزیر توانائی انجینئر خرم دستگیر آکھیے حکومت اتے کے الیکٹرک دے درمیان امور طے کرݨ کیتے ٹاسک فورس بݨائی ڳئی اے ، کے الیکٹرک دے معاہدے دے بعد سارے امور طے تھی ویسن ۔ سینیٹ اجلاس اچ وقفہ سوالات تے سینیٹر مشتاق احمد دے سوال دے ولدے اچ انہاں آکھیے جو وزیراعظم آفس دی طرفوں واجب الادا رقم دی وصولی سودھے ٻئے امور کیتے ھک ٹاسک فورس بݨائی ڳئی اے جیں دی جیں دی سربراہی شاہد خاقان عباسی کوں ݙتی ڳئی اے ، جیویں ہی ٹاسک فورس اپݨی سفارشات کوں حتمی شکل ݙیندی اے تاں ایندی منظوری کیتے وفاقی کابینہ اچ بھیجا ویسی ۔ انہاں آکھیے کراچی دے شہریاں کوں ریلیف کیتے روزانہ ھک ہزار میگاواٹ بجلی ݙتی ویندی پئی اے ، حکومت کے الیکٹرک دے ٹیرف تے 20 روپے فی یونٹ ریلیف ݙیندی پئی اے ۔ انہاں آکھیے بجلی سپلائی دی مد اچ کے الیکٹرک دی طرفوں واجب الادا رقم دی مالیت 490 ارب روپے ہئی جݙاں جو گزریل سال کے الیکٹرک 85.133 ارب روپے واجب الادا رقم دی ادائیگی کیتی۔