اسلام آباد۔3فروری(اے پی پی) وزیراعظم محمد شہباز شریف اڄ پشاور اچ ایپیکس کمیٹی اجلاس دی صدارت کریسن ۔ وزیراعظم آفس دے میڈیاونگ توں جاری بیان موجب اجلاس اچ 30 جنوری کوں پشاور پولیس لائنز دی مسیت اچ تھیوݨ آلے دہشت گردی دے ݙراوݨے واقعے دے محرکات تے غور کیتا ویسی ۔ ایپیکس کمیٹی دے اجلاس اچ دہشت گردی مکاوݨ ، سی ٹی ڈی اتے پولیس دی اپ گریڈیشن دے اقدامات تے وی ڳالھ مہاڑ تھیسی ۔ اجلاس اچ وفاقی وزراء ، چارے صوبیں، گلگت بلتستان دے وزراء اعلیٰ ، آزاد جموں کشمیر دے وزیراعظم ، سکیورٹی فورسز ، پولیس دے حکام تے اعلیٰ سرکاری افسران شرکت کریسن ۔
