اسلام آباد۔3فروری (اے پی پی):وزیراعظم محمد شہباز شریف آکھیے’کے تھری‘رلݨ نال ایٹمی بجلی گھر توں بجلی دی پیداوار 3600میگاواٹ تئیں پڄ ڳئی اے ، مقامی ذرائع توں بجلی دی پیداوار نال ایندھن دی درآمد،ٹیرف اچ کمی اتے عام آدمی کوں ریلیف ݙیوݨ اچ مدد ملسی ۔ آپݨے ٹویٹ اچ انہاں آکھیے گزریل ݙینھ پاکستان دے ستویں ایٹمی بجلی گھر اتے کراچی اچ بݨائے ڳئے تریجھے ایٹمی بجلی گھر دا افتتاح کیتا۔ کے تھری دی شمولیت توں ایٹمی بجلی پیدا کرݨ دی کل صلاحیت 3600 میگاواٹ پڄ ڳئی اے ۔ کے تھری منصوبے توں مجموعی طور تے 1100 میگاواٹ بجلی نیشنل گرڈ اچ رل ڳئی اے ۔ انہاں آکھیے حکومت بجلی پیدا کرݨ دے مقامی ذرائع جیویں پن بجلی، کولے اتے شمسی توانائی دی ترقی تے توجہ ݙیندے ہوئیں توانائی دے ذرائع کوں متنوع بݨاوݨ کیتے کم کریندی پئی اے ۔ انہاں آکھیے جو مقامی طور تے پیدا تھیوݨ آلی بجلی توں ایندھن دی درآمد کوں گھٹ کرݨ ، ٹیرف گھٹ کرݨ ایں طرح دی عام آدمی کوں ریلیف ݙیوݨ اچ مدد ملسی۔
