اسلام آباد۔3فروری (اے پی پی) وزیر مملکت برائے امور کشمیر تے گلگت بلتستان نوابزادہ افتخار احمد خان بابر آکھیا جو حکومت دی کوششاں نال کشمیر دے مسئلے تے عالمی آگاہی ودھ ڳی اے۔ بھارت مقبوضہ کشمیر اچ انسانی حقوق دی دھجیاں اݙیندا پے، 5 اگست 2019 دے اقدامات نال بھارت مقبوضہ کشمیر دی ڈیموگرافی بدلݨ دی کوشش کریندا پے، بھارت 44 لکھ توں ودھ غیر ریاستی کشمریاں کوں جموں تے کشمیر دا ڈومیسائل جاری کیتے۔ حلقہ بندیاں اچ تبدیلی نال بھارت مقبوضہ کشمیر تے ہندو وزیراعلیٰ لاوݨ چاہندے۔ اے ڳالھیں انہاں ایم این اے وجہیہ قمر اتے آل پارٹیز حریت کانفرنس دے رہنماواں دے رلے یوم یکجتی کشمیر بارے پریس کانفرنس توں خطاب کریندیں ہوئیں آکھی۔ نوابزادہ افتخار احمد خان بابر آکھیا جو پنڄ فروری کوں اندرلے اتے ٻاہرلے ملک رہݨ آلے اپݨے کشمیری بھراوآں نال یکجہتی کریسوں۔ یوم یکجہتی بارے حکومت پاکستان اتے صوبائی حکومتاں کئی تقریباں رکھین۔ ایل او سی دے ݙوہیں پاسوں بھرپور سنیھا ݙیسوں۔
