اسلام آباد۔4فروری (اے پی پی) وفاقی وزیر خزانہ و محصولات سینیٹر اسحاق ڈار دی زیر صدارت پاکستان ڈویلپمنٹ فنڈ (پی ڈی ایف)اتے حکومتی اداریں (ایس او ایز) دے حوالے نال وزارت خزانہ اچ اجلاس دا انعقاد تھیا ہفتے کوں وزارت خزانہ دی طرفوں جاری اعلامیہ موجب اجلاس اچ وزیراعظم دے معاون خصوصی فنانس طارق باجوہ، ایس ای سی پی دے چیئرمین عاکف سعید تے وزارت خزانہ دے اعلیٰ حکام شرکت کیتی ۔ ایں موقع تے پاکستان ڈویلپمنٹ فنڈ دے کردار تے سرکاری اداریں دی کارکردگی دا تفصیلی جائزہ ڳھدا ڳیا اتے سرکاری اداریں اچ گورننس دی بہتری دی حکمت عملی تے ڳالھ مہاڑ کیتی ۔ اجلاس وچ ملک اچ انفراسٹرکچر دی ترقی دے حوالے نال پی ڈی ایف دی ری سٹرکچرنگ دا وی جائزہ ڳھدا ڳئے۔ وزیر خزانہ اسحاق ڈار پی ڈی ایف دے کردار دے نویں سروں تعین تے ایس او ایز اچ بزنس پلان، گورننس دی صورتحال اتے مالیاتی کارکردگی اچ بہتری دی لوڑھ تے زور ݙتا تاں جو عوامی اثاثیں کوں محفوظ بݨاوݨ دے نال نال سرکاری شعبہ دے کاروباری اداریں اچ احتساب دے نظریہ کوں وی ودھارا ݙتا ونڄ سڳے۔
