ترکیہ اتے شام اچ 7.8شدت دا زلزلہ ، 100 بندے ہلاک

انقرہ، دمشق ۔6فروری (اے پی پی) ترکیہ اتے شام اچ 7.8شدت دا زلزلہ ، 100 بندے ہلاک تھی ڳے۔ فرانسیسی خبررساں ادارے موجب ترکیہ اچ ایمرجنسی سروس دے اہلکاراں ݙسیاجو ترکیہ دے جنوب مشرقی علاقیاں اچ سنوار دی سویل زلزلے دے شدید جھٹکے محسوس کیتے ڳے جئیں دی شدت ریکٹر سکیل تے 7.8 ریکارڈ کیتی ڳی جئیں پاروں ݙاہ صوبیاں اچ 76 بندے جاں بحق اتے 440 زخمی تھی ڳے۔ زلزلے دا مرکز صوبہ کہرامان مراش دے ضلع پزارجک اچ 7کلومیٹر تلے ہئی۔ ترکی دے مختلف علاقیاں اچ زلزلے دے بعد ادھے گھنٹے تئیں آفٹرشاکس وی محسوس کیتے ڳے اتے کئی عمارتاں زمین بوس تھی ڳی۔ شام دےسرکاری میڈیا اتے ہک مقامی ہسپتال موجب شام اچ وی 7.8 شدت دے زلزلے پاروں ڳھٹ توں ڳھٹ پںڄاہ بندے ہلاک تھین۔ شام دے مقامی میڈیا دا آکھݨ اے جو دیارباقر شہر اچ ہک عمارت دے زمین بوس تھیوݨ دے بعد 200 بندے عمارت تلوں پھتے پئن جنہاں کوں کݙھݨ دی کوششاں جاری ہن۔