ترکیہ تے شام اچ زلزلے توں اموات 4300 توں ودھ ڳئن

انقرہ ۔7فروری(اے پی پی) ترکیہ تے شام اچ زلزلے توں اموات 4300 توں ودھ ڳئن ۔برطانوی خبررسا ں ادارے موجب شام دی سرحد دے نیڑے واقع ترکیہ دے جنوب مشرقی علاقے غازی انتیپ اچ 7.8 دی شدت دے زلزلے توں وݙے پیمانے تے تباہی تھئی اے ۔شدید پالے اتے خراب موسم پاروں امدادی کارروائیاں اچ اوکھ دا سامݨا اے ۔ترکیہ دے آفات نال نبݨݨ آلے قومی ادارے موجب ملک اچ زلزلے توں ہݨ تئیں 2921 لوک جاں بحق تے 14 ہزار توں ودھ زخمی ہن جݙاں جو شام توں ملݨ آلی اطلاعات دے مطابق زلزلے توں 1444 اموات دی تصدیق تھئی اے ۔ عالمی ادارہ صحت موجب جاں بحق تھیوݨ آلیں دی تعداد موجودہ اموات توں کئی گنا ودھ تھی سڳدی اے ۔ ترک حکومت ملک اچ 7 ݙینھ دے سوڳ دا اعلان کیتے۔