چشتیاں۔ 08 فروری (اے پی پی) ڈپٹی کمشنر بہاولنگر سلمان خان لودھی اتے ڈی پی او بہاولنگرعلی رضا آکھیا جو 18ویں چولستان ڈیزرٹ جیپ ریلی بارے 9 فروری خمیس فورٹ عباس دے مڈپوائنٹ قلعہ جام گڑھ اچ افتتاحی تقریب اچ رنگارنگ پروگرام تھیسن۔ انہاں میڈیا کوں ݙسیا جو ایں موقع تے چولستان دے ثقافتی رنگاں کوں اجاگر کیتا ویسی۔ تقریب اچ سپورٹس مقابلیاں اچ والی بال، رگبی، کبڈی، رسہ کشی شامل ہن اتے سٹوڈنٹس دی پرفارمنس اتے ہارس اینڈ کیمل شو اتے فوک میوزک دے پروگرامز تھیسن اتے ݙاہ فروری جمعے کوں کل جیپ ریلی دی مختلف کیٹیگریز اچ حصہ ڳھنݨ آلے جام گڑھ پڄسن۔
