اسلام آباد۔16فروری (اے پی پی) وفاقی وزیر خزانہ تے محصولات سینیٹر محمد اسحاق ڈار آکھیا جو حکومت اتے عوام اوکھے ویلھے اپݨے ترک بھیݨیں بھراواں نال ہن۔ وزارت خزانہ توں جاری بیان موجب اے ڳالھیں انہاں ترکیہ دے وزیر خزانہ ڈاکٹر نورالدین نباتی نال ٹیلی فون تے ڳالھ مہاڑ کریندیں ہوئیں آکھی۔ وفاقی وزیر ترکیہ اچ زلزلے اچ تھیوݨ آلے جانی تے مالی ضیان تے دلی تعزیت اتے ہمدردی کیتی۔ وزیرخزانہ یقین ݙوایا جو اوکھے ویلھے ہر طرح دی امداد دا تعاون کریسوں۔ ڈاکٹر نورالدین نباتی وزیر خزانہ اسحاق ڈار دا شکریہ اد اکیتا۔
