اسلام آباد۔2 مارچ(اے پی پی)اسٹیٹ بینک آف پاکستان مانیٹری پالیسی دا اعلان کریندے شرح سود 3 فیصد ودھا ݙتے۔ نویں زری پالیسی دے مطابق 3 فیصد ودھارے دے بعد بنیادی شرح سود 17 فیصد توں ودھ تے 20 فیصد تھی ڳئی ڄݙاں جو ایں سال مہانگ دی شرح 29 فیصد تئیں رہݨ دا امکان اے۔ اسٹیٹ بینک دی جاری کیتی ڳئی مانیٹری پالیسی دے بیان اچ آکھیا ڳئے جو اقتصادی پالیسیاں، بیرونی حالات قلیل مدتی مہانگ دی صورتحال وڳاڑی اے۔ اسٹیٹ بینک ݙیݙھ سال اچ شرح سود اچ 13 فیصد ودھارا کیتے ڄݙاں جو انٹرنیشنل مانیٹری فنڈ (آئی ایم ایف) وی سٹاف لیول معاہدے توں پہلے پاکستان کولو شرح سود ودھاوݨ دا مطالبہ کیتا ھا۔
