گوجرانوالہ۔ 04 مارچ (اے پی پی)چیف آرگنائزر، سینئرنائب صدر ن لیگ مریم نواز آکھیے ن لیگ پہلے وانڳوں ایں واری وی ملک و قوم کوں پیش آندے مسئلیں توں نجات ݙویسی تے لوڈشیڈنگ وانڳوں معاشی اندھارے وی مک ویسن ، عمران خان دیاں ٻڑکاں تے منتاں نال نال چلدیاں پئن ، سازشاں کرݨ آلے منہ لوکیندے ودن ۔ اے ڳالھیں انہاں دورہ گوجرانوالہ دے ݙوجھے ݙینھ ھک نجی ہوٹل اچ تنظیمی اجلاس توں خطاب کریندے ہوئیں آکھئن ۔ انہاں آکھیے ن لیگ کوں ملک اوکھے معاشی حالات اچ بݙیا ہویا پہلی واری نی ملیا ،جݙاں ملک مسئلیں اچ ٻڈ ویندے تاں ،نواز شریف اتے شہباز شریف کوں آوݨا پوندے ۔ مریم نوازآکھیے سازشیاں دی سازش اے جو معیشت نہ سنبھلے ،مگر ہمیشہ وانڳوں شیر ہی قوم کوں مسئلیں تے انہاں کوں پیدا کرݨ آلیں توں نجات ݙویسی ۔ ایں موقع تے سینئر نائب صدر خواجہ آصف ،پرویز رشید ،پنجاب دے صدر رانا ثناء اللہ ،وفاقی وزیر توانائی انجینئر خرم دستگیر خان اتے ڈپٹی سیکرٹری جنرل عطاء تارڑ سودھے ڈویژن دے سارے ضلعیں توں ارکان اسمبلی تے تنظیمی عہدیداران وی شریک ہن ۔
