اسلام آباد۔5مارچ(اے پی پی) وفاقی وزیر اطلاعات و نشریات مریم اورنگزیب آکھیے جو وزیراعظم محمد شہباز شریف اقوام متحدہ دی کانفرنس اچ شرکت کیتے ݙو ݙینھ دے دورے تے دوحہ پڄ ڳئن ۔ اتوار کوں آپݨے ٹویٹ اچ انہاں آکھیے وزیراعظم اڄ توں شروع تھیوݨ آلی اقوام متحدہ دی گھٹ ترقی یافتہ ملکاں دی کانفرنس دے پنجویں اجلاس اچ شرکت کریسن ۔ وفاقی وزیر آکھیے امیر قطر کانفرنس اچ شریک سربراہان مملکت اتے وزرائے اعظم دے اعزاز اچ استقبالیہ ݙیسن۔ انہاں آکھیے وزیر اعظم محمد شہباز شریف امیر قطر دے استقبالیہ اچ شرکت کریسن۔ مریم اورنگزیب آکھیے وزیراعظم 6 مارچ کوں کانفرنس توں خطاب کریسن ۔
