اسلام آباد۔5مارچ(اے پی پی) سپیکر قومی اسمبلی راجہ پرویز اشرف اتے ڈپٹی سپیکر زاہد اکرم درانی بنوں اچ بم دھماکے دی مذمت کریندے ہوئیں قیمتی انسانی جاناں دے ضیان تے افسوس دا اظہار اتے زخمیاں دی وختی صحتیابی کیتے دعا کیتی اے ۔ قومی اسمبلی سیکرٹریٹ ڈائریکٹوریٹ جنرل آف میڈیا دی طرفوں جاری تعزیتی بیان اچ سپیکر اتے ڈپٹی سپیکر ݙکھی خانداناں دے نال دلی ہمدردی دا اظہار وی کیتا۔انہاں آکھیے شہدا دے اہلخانہ دے ݙکھ اچ برابر دے شریک ہیسے ۔سپیکر و ڈپٹی سپیکر قومی اسمبلی اپݨے مشترکہ بیان اچ آکھیے جو دہشتگرد انسانیت دے دشمن ہن تے انہاں دے نال آہنی ہتھاں نال نبݨیا ویسی ۔ انہاں دعا کیتی جو اللہ تعالیٰ شہدادے درجات بلند فرماوے تے لواحقین کوں ناقابل تلافی ضیان کوں برداشت کرݨ کیتے حوصلہ اتے ہمت عطافرماوے۔
