اسلام آباد۔6مارچ(اے پی پی) وزیراعظم شہبازشریف سبی اچ بلوچستان کانسٹیبلری دے اہلکاراں دی شہادت تء ݙکھ تے افسوس کیتے ۔ سنوار کوں وزیراعظم آفس دے میڈیاونگ توں جاری بیان موجب وزیراعظم خود کش دھماکے دی شدید مذمت کیتی تے شہید اہلکاراں دے اہل خانہ نال تعزیت اتے ہمدردی دااظہار کیتے ۔ وزیراعظم زخمیاں کوں بہترین طبی سہولتاں ݙیوݨ دی ہدایت کیتی ۔ وزیراعظم آکھیے بلوچستان اچ دہشت گردی ملک اچ عدم استحکام پیدا کرݨ دے مذموم ایجنڈے دا حصہ اے۔ ارض وطن کوں دہشت گردی دی لعنت توں پاک کریسوں ۔ شہدا دی قربانیاں کوں سلام پیش کریندوں ۔ وزیراعظم دعا کیتی جو اللہ تعالی شہدا دے درجات بلند فرماوے اتے لواحقین کوں صبر ݙیوے ۔وزیراعظم زخمیاں دی وختی صحت یابی دی دعا کیتی۔
