اسلام آباد۔6مارچ(اے پی پی)وزیردفاع خواجہ محمد آصف بولان دہشتگردی حملے دی مذمت کریندے آکھیے جو دشمن اوچھے ہتھکنڈیاں نال سکیورٹی فورسز دے حوصلے نئیں ݙھوا سڳدا، ساکوں اپݨیاں بہادر افواج اتے پولیس اہلکاراں تے ماݨ اے۔ ہک سنیہے اچ انہاں دھماکے اچ سکیورٹی اہلکاراں دی شہادت تے افسوس کریندے آکھیا جو قوم اتے سکیورٹی فورسز پہلے وی دہشتگردی کوں ہرائے اتے ہݨ وی ہریسوں، پوری پاکستانی قوم ݙٹ تے اپݨی افواج اتے پولیس نال کھڑی اے۔
