اسلام آباد۔6مارچ(اے پی پی)وزیر مملکت پٹرولیم ڈاکٹر مصدق ملک آکھیے جو روس کولو تیل ڳھنݨ کیتے معاملات تیکھے توڑ پڄ ویسن، ٹرانسپورٹیشن اتے شپمنٹ تے ڳالھ تھیندی پئی اے، مارچ دے چھیکڑ تئیں ساݙے پاسو ڈیڈ لائن ہئی اتے تیکھے معاملات توڑ پج ویسن، اپریل اچ روس توں تیل ڳھنݨ دا پہلا آرڈر ݙتا ویسی بعد اچ تسلسل نال تیل ملدا رہسی۔ اسلام آباد اچ پریس کانفرنس کریندے انہاں آکھیا جو گھریلو صارفین کیتے ٹکر پکیندے ویلھے گیس ݙیوݨ یقینی ٻݨایا ویسی جیندے اچ سویلے 6 توں 9 وڄے تعیں، ݙینھ 12 توں 2 وڄے اتے شام 6 توں رات 9 وڄے تئیں گیس دی لوڈشیڈنگ نہ تھیسی۔ انہاں آکھیا جو ملک اچ ہر امیر،غریب ہر کہیں کیتے ہک قانون ہووݨا چاہیدے، عمران خان ڳالھیں ریاست مدینہ دیاں کریندن، ٻنھاں دے ٻالاں کوں ڄیہل ڈھکویندن اتے آپ ݙھکیڄݨ توں ݙردن، ملک اچ لوک روزی روٹی کیتے پریشان ہین ٻھل اے ڄݨا صرف اپݨے کیتے اقتدار لو این آر او منڳدے۔ انہاں آکھیا جیکر عمران خان ملک کوں اڳو تے ٹورݨ کیتے ڳالھ کرݨی اے تاں ضرور کرے ٻھل پہلے اپݨے رویے تے دید ٻھنواوے۔
