اسلام آباد۔8مارچ(اے پی پی) وفاقی وزیر ماحولیاتی تبدیلی سینیٹر شیری رحمان آکھیے تریمتاں کوں آئین تے قانون دے مطابق انہاں دے حقوق اتے مقام ملݨا چاہیدے تاں جو او سماجی اتے معاشی طور تے باوقار زندگی گزار سڳن ، تریمتاں دے کم ، محنت، کاوشاں تے کامیابیاں دی حوصلہ افزائی دی لوڑھ اے ۔ تریمتاں دے عالمی ݙینھ دے حوالے نال اپݨے پیغام اچ انہاں آکھیے تریمتاں دے عالمی ݙینھ دے موقع تے پاکستان دی جرأت مند، محنتی اتے بہادر خواتین سودھے پوری دنیا دی تریمتاں کوں خراج تحسین تے مبارکباد پیش کریندی ہاں ، ایں ݙینھ کوں مناوݨ دا مقصد خواتین دی حوصلہ افزائی کرݨ، انہاں دے حقوق کوں منݨ تے انہاں دی مساوی حیثیت دے حوالے نال لوکاں اچ بیداری کھنڈاوݨ اے ۔ شیری رحمان آکھیے ساݙیاں تریمتں ساݙے خاندانی نظام، معاشرے، ملک اتے معیشت سودھے زندگی دے ہر شعبے اچ ریڑھ دی ہݙی وانڳوں ہن ، پورے ملک دیاں تریمتاں کوں صحت، تعلیم اتے ٻئے بنیادی سہولتاں تے برابری دا ماحول ملݨا چاہیدے ۔
