اسلام آباد۔8مارچ (اے پی پی):خاتون اول بیگم ثمینہ عارف علوی تریمتاں کوں زندگی دے سارے شعبیں بالخصوص تجارت، کاروبار دی ڈیجیٹلائزیشن اتے فنانس اچ شامل کرݨ دی لوڑھ تے زور ݙیندے ہوئیں آکھیے ملک دی ترقی اچ تریمتاں دی شمولیت ناگزیر اے، پاکستان دی آبادی اچ تریمتاں دا تناسب تقریباً پنجاہ فیصد اے ، لیکن تریمتاں کوں بااختیار بݨاوݨ دے حوالے نال حالی ٻہوں لمبا سفر طے کرݨا اے ، پاکستان خواتین کوں بہترین کارکردگی دے مساوی مواقع ݙیوݨ کیتے ٹھوس اقدامات کریندا پئے ۔ اے ڳالھ انہاں ٻدھ کوں اتھاں خواتین دے عالمی ݙینھ دے حوالے نال منعقدہ تقریب توں خطاب کریندے ہوئیں آکھی اے ۔ انہاں آکھیے میکوں ایں تقریب اچ شرکت توں ٻہوں خوشی تھیندی پئی اے تے قابل خواتین کوں ݙیکھ تے ٻہوں فخر محسوس کریندی پئی ہاں ۔ انہاں آکھیے جو اساں اتھاں خواتین دا عالمی ݙینھ مناوݨ ، اتے ھک ایجھی دنیا دا تصور کرݨ کیتے جمع تھئے سے جتھاں صنفی مساوات معمول اے،اے ھک ݙینھ ہݨ تعیں دی پیشرفت دا جائزہ گھنݨ تے انہاں چیلنجاں تے غور کرݨ کیتے ھک اہم موقع دے طور تے کم کریندے جیڑھا جو تریمتاں دے حقوق تے عوامی زندگی دے سارے شعبیں اچ فیصلہ سازی اچ مساوی شرکت دے رستے اچ رکاوٹ ہن ۔
