اسلام آباد۔8مارچ(اے پی پی)وفاقی وزیرقانون سینیٹر اعظم نذیرتارڑ آکھیے جو پاکستان اچ تریمتاں دے حقوق دے ادارے فعال ہن ، تریمتاں دے حقوق کیتے ہرفورم تے کم کرݨا ہوسی ، کوئی سیاسی جماعت الیکشن توں نی بھڄدی پئی ، ساری اسمبلیاں دے انتخابات ھکے ویلھے تھیسن تاں مسئلیں توں بچیا ونڄ سڳدے ، ملک اچ ڈیجیٹل مردم شماری جاری اے جیں تے 35 ارب روپے دا خرچہ تھیسی ملک دے کجھ حصیں اچ پراݨی تے کجھ اچ نویں مردم شماری تے انتخابات کراوݨ مناسب کائنی ،سیاسی استحکام اتے معیشت دی بہتری کیتے ساریں کوں رل تے بہݨا ہوسی ، عمران خان کوں آپݨا رویہ درست کرݨ دی لوڑھ اے ، عدالتی بھڳوڑا اپݨے جرائم تے پردہ پاوݨ کیتے عدلیہ بچائو تحریک شروع کریندا پئے ۔وفاقی وزیر قانون و انصاف سینیٹر اعظم تارڑ اے ڳالھ پریس کانفرنس توں خطاب کریندے ہوئیں آکھی اے ، انہاں آکھیے تریمتاں دے حقوق دے تحفظ کیتے پرعزم ہیسے ۔ملک دی ادھی آبادی دے حقوق دی تکریم اتے تقدس کیتے رل تے کم کرݨا ہوسی ۔
