اسلام آباد۔9مارچ (اے پی پی):صدر مملکت ڈاکٹر عارف علوی نال تنزانیہ اچ پاکستان دے نامزد ہائی کمشنر سراج احمد خان خمیس کوں ملاقات کیتی ۔ ایوان صدر دے پریس ونگ موجب صدر مملکت ݙو پاسے مفاد کیتے پاکستان اتے تنزانیہ وچال تجارتی و معاشی تعاون ودھاوݨ دی لوڑھ تے زور ݙیندے ہوئیں آکھیے جو پاکستان تنزانیہ دے نال تعلقات کوں خصوصی اہمیت ݙیندے، پاکستان تنزانیہ نال معاشی و ثقافتی رابطے ودھاوݨ چاہندے ݙوطرفہ تعلقات مزید مضبوط بݨاوݨ کیتے اعلیٰ سطحی سیاسی و ثقافتی تبادلیں دی لوڑھ اے ۔صدر مملکت نامزد ہائی کمشنر کوں تنزانیہ دے اداریں دی استعداد کار اچ ودھارے کیتے پاکستان دی طرفوں تعاون ودھاوݨ دی ہدایت کیتی ۔ پاکستان تنزانیہ کوں سفارتکاری ، بینکنگ ، ریلوے اتے پوسٹل خدمات اچ تعاون کریندا پئے ۔صدر مملکت نامزد ہائی کمشنرنال تنزانیہ اچ رہݨ آلے پاکستانیاں کوں سہولت ݙیوݨ دی ہدایت کیتی ۔
