راولپنڈی۔ 9 مارچ(اے پی پی)پاک فوج دے سربراہ جنرل سید عاصم منیر آکھیے جو ناسمجھ عناصر بلوچستان دے عوام اتے مسلح افواج دا عزم نئیں ترؤر سڳدے، مسلح افواج اتے بلوچستان دی عوام ترقی و خوشحالی کیتے ہک مٹھ ہین۔ آئی ایس پی آر آکھیے جو پاک فوج دے سربراہ جنرل سید عاصم منیر گوادر دا دورہ کیتے جتھاں انہاں کوں فارمیشن دیاں آپریشنل تیاریاں تے بریفنگ ݙتی گئی اتے اقتصادی راہداری سودھا امن کوششاں دا ݙسایا ڳیا۔ آرمی چیف افسران و جواناں دے پیشہ ورانہ کردار دی تعریف کیتی اتے انہاں پیوݨ دے صاف پاݨی، صحت اتے کھیݙاں سودھا فلاحی منصوبیاں جیویں تعلیم وصحت، ماہی گیری اتے سولر سسٹم لاوݨ شامل ہین، دا وی اعلان کیتا۔ آرمی چیف گوادر دے منتخب نمائنداں اتے عمائدین نال وی ملین۔ وزیر اعلیٰ بلوچستان، کور کمانڈر کوئٹہ اتے ٻئے حکام وی آرمی چیف دے نال ہن۔ آرمی چیف عزم دوہرا جو مسلح افواج عوام دی بہتری کیتے پیشہ وارانہ عزم نال کوششاں جاری رکھسن۔
