رحیم یارخان 09 مارچ (اے پی پی) ڈپٹی کمشنر رحیم یارخان شکیل احمد بھٹی دی صدارت 13توں 18مارچ توں شروع تھیوݨ آلی انسداد پولیو مہم دے انتظامات دا جائزہ گھنݨ کیتے اجلاس منعقد تھیا ۔ڈپٹی کمشنر پولیو روکݨ کیتے بہترین انتظامات کرݨ پاروں صوبہ اچ پوزیشن حاصل کرݨ تے محکمہ صحت اتے بالخصوص پولیو ٹیماں دی کارکردگی دی تعریف کیتی تے مزید محنت دی ہدایت کیتی ۔ ایں موقع تے سی ای او ہیلتھ ڈاکٹر خان وزیر، ڈبلیو ایچ او دے نمائندہ ڈاکٹر عمر تے ضلعی فوکل پرسن ڈاکٹر عمران پولیو مہم دے انتظامات بارے بریفنگ ݙتی ۔ڈپٹی کمشنر ہدایت کیتی جو پولیو مائیکرو پلان تے سختی نال عملدرآمد یقینی بݨایا ونڄے جݙاں جو پولیومہم دی کامیابی کیتے انتظامی اتے محکمہ صحت دے افسران سارے اسٹیک ہولڈرز نال رابطیں کوں مستحکم بݨاون ۔اجلاس اچ ݙسایا ڳئے جو اڄوکے مہینے شروع تھیوݨ آلی انسداد پولیو مہم دے دوران 11لکھ توں ودھ پنج سال توں گھٹ عمر ٻالاں کوں پولیو توں بچاوݨ دی ویکسین پلائی ویسی ۔
