اسلام آباد۔13مارچ(اے پی پی) صدر مملکت ڈاکٹر عارف علوی ہواوے دے عالمی آئی سی ٹی دے مقابلے اچ پہلا انعام حاصل کرݨ آلے تھرپارکر توں تعلق رکھݨ آلے بھاگ چند میگھوار کوں مبارخ ݙتی اے ۔ صدر مملکت سنوار کوں ھک ٹویٹ اچ آکھیے بھاگ چند میگھوار پاکستانی نینگراں کیتے مثال ہن تے او میݙی ایں رائے دی توثیق کریندن جو آئی ٹی پاکستان دی سماجی و اقتصادی ترقی اتے نوجواناں کوں بااختیار بݨاوݨ دا تکھا ترین، سوکھا ترین اتے مختصر ترین رستہ اے۔ انہاں آکھیے ایں توں ظاہر تھیندے جے پاکستانی نوجواناں کوں موقع تے رہنمائی ݙتی ونڄے تاں او کمال کرسڳدن ۔ صدر مملکت آکھیے اساکوں آئی ٹی اتے اپݨے نوجواناں دی فکری ترقی تے مزید سرمایہ کاری کرݨ دی لوڑھ اے ۔ شاباش بھاگ چند میگھوار!
