اسلام آباد۔13مارچ(اے پی پی)وفاقی وزیر خزانہ و ریونیو سینیٹر محمد اسحاق ڈار دی اڳواݨی اچ کفایت شعاری اقدامات تے عملدرآمد دی نگرانی کیتے مانیٹرنگ کمیٹی دا ݙوڄھا اجلاس تھئے جیندے اچ وفاقی وزیر وفاقی تعلیم و پیشہ وارانہ تربیت رانا تنویر حسین، وفاقی وزیر قانون و انصاف اعظم نذیر تارڑ، وزیراعظم دے مشیر امور کشمیر و گلگت بلتستان قمر زمان کائرہ، وزیراعظم دے معاون خصوصی خزانہ طارق باجوہ، وزیراعظم دے معاون خصوصی ریونیو طارق محمود پاشا، وفاقی سیکرٹریز اتے سینئر افسران شرکت کیتی۔ اجلاس اچ کفایت شعاری اقدامات تے عملدرآمد بارے پہلے اجلاس دے فیصلاں تے عملدرآمد دا جائزہ ڳھدا ڳیا۔ اجلاس اچ لگژری گاݙیاں دے استعمال تے واپسی ودھا سکیورٹی گاݙیاں دے استعمال توں دستبرداری دا فیصلہ تھئے۔ اجلاس ہدایت کیتی جو وزارت قانون و انصاف عدلیہ اچ کفایت شعاری اقدامات دی تجویز ݙیوے اتے ویلھا اتے اخراجات بچاوݨ کیتے اجلاساں سانڳے ٹیلی کانفرنسز دے استعمال کیتے چیئرمین سینیٹ اتے اسپیکر قومی اسمبلی نال رابطے کیتے ونڄن، سارے سؤبیاں اچ بچت اقدامات بارے تیزی سانڳے صوبیاں نال تعاونو دھایا ونڄے۔ اجلاس رمضان المبارک اچ دفتری اوقات یکم رمضان توں سویلے ساݙھے ست وڄے توں ݙوپاہریں کوں ݙھائی وڄے اتے جمعہ کوں ساݙھے 12 وڄے تئیں کرݨ دا فیصلہ کیتے۔
