اسلام آباد۔13مارچ(اے پی پی)صدر مملکت ڈاکٹر عارف علوی طب دے شعبے اچ تعلیمی معیار سانڳے ہکو سواں نصاب لاڳو کرݨ تے زور ݙیندے آکھیے جو غیر ملکی جامعات نال ساڄھے داری ملکی تعلیمی معیار بہتر کرݨ دا تیز ترین طریقہ اے، بیماریاں دے علاج دے نال نال بیماریاں تے قابو پاوݨ کرݨ تے وی توجہ ݙیوݨی چاہیدی اے جیندے نال صحت دے بنیادی ڈھانچے تے ٻھار ڳھٹاوݨ اچ مدد ملسی۔ او شہید ذوالفقار علی بھٹو میڈیکل یونیورسٹی، اسلام آباد دی سینیٹ دے 5ویں اجلاس دی صدارت کریندے پئے ہن۔ صدر مملکت آکھیا جو طبی ادارے ملکی صحت دی لوڑھ پوری کرݨ کیتے ٻئے نرسنگ اتے پیرا میڈیکل سٹاف تیار کرن، غیر ملکی کورسز اتے تعلیمی مواد تئیں پڄ کیتے غیر ملکی یونیورسٹیاں نال شراکت داری اتے رابطے ودھاوݨے ہوسن تاں جو تعلیمی معیار اچا تھی سڳے۔
