لاہور۔14مارچ(اے پی پی):پنجاب اسمبلی انتخابات دے سلسلے اچ الیکشن کمیشن آن لائن سکروٹنی سیل قائم کرݙتا۔ترجمان الیکشن کمیشن موجب پنجاب اسمبلی دے انتخابات اچ 297 نشستاں کیتے ریٹرننگ آفیسرز کوں سکروٹنی سیل دی سہولت ݙے ݙتی ڳئی اے ۔ انہاں ݙسائے جو آن لائن سکروٹنی سیل جدید سافٹ ویئر دے ذریعے تیار کیتا ڳئے ۔ سکروٹنی سیل کوں ایف بی آر،نیب، اسٹیٹ بینک، نادرا اتے ٻئے ضروری اداریں نال منسلک کیتا ڳئے ۔ترجمان مزید ݙسایا جو سارے ریٹرننگ آفیسرز سیل اچ امیدواراں دے کوائف دا اندراج کریسن ۔انہاں ݙسایا جو پنجاب اسمبلی انتخابات کیتے کاغذات نامزدگی جمع کراوݨ دی آخری تاریخ 14 مارچ اے، کاغذات نامزدگی دی جانچ پڑتال (کل) 15 مارچ توں شروع تھیسی جݙاں جو سکروٹنی داعمل 22مارچ تئیں جاری رہسی ۔
