اسلام آباد۔14مارچ(اے پی پی) صدر مملکت ڈاکٹر عارف علوی شہریاں کوں اڄوکے سال پڑھݨ کیتے 10 عظیم کتاباں تجویز کرݙتن۔ ڈاکٹر عارف علوی عہدہ صدارت سنبھالݨ دے بعد توں شہریاں کوں ہر سال ایجھیاں کتاباں پڑھݨ دی سفارش کریندن جیڑھا جو انہاں کوں متاثر کریندن ۔ صدر مملکت ھک وڈیو پیغام اچ قوم تے زور ݙتے جو او کتاب پڑھݨ کوں ودھارا ݙیوݨ بنی نوع انسان نال محبت دا پیغام عام کرن۔ صدر مملکت شہریاں کوں پڑھݨ کیتے جنہاں کتاباں دی ترغیب ݙتی اے انہاں 10 کتاباں اچ ”دی اینڈ آف ہسٹری اینڈ لاسٹ مین“ از فرانسس فوکویاما، ”دی کلیش آف سیویلائزیشنز اینڈ دی میکنگ آف ورلڈ آرڈر“ از سیموئل پی ہنٹنگٹن، ” جرنی ان ٹو یورپ: امیگریشن اینڈ آئیڈنٹٹی“ از اکبر احمد، ”دی اسلامک الائنمنٹ: دی ماڈرن سٹرگل بی ٹوین فیتھ اینڈ ریزن“ از کرسٹوفر ڈی بیلیگ، سموئیل موئن دی لکھی ڳئی کتاب ”ہیومن: ہائودی یوناٹیڈ سٹیٹس اینڈڈ پیس اینڈ ری انونٹڈ وار“ ارشد سمیع خان دی تحریر کیتی ڳئی کتاب ” تھری پریذیڈنٹس اینڈ این ایڈی: پاور اینڈ پالیٹیکس“ وی شامل ہن۔ صدر مملکت ڈاکٹر عارف علوی جیڑھے جو ٻئی کتب شہریاں کوں پڑھݨ کیتے تجویز کیتن انہاں اچ ایڈم گرانٹ دی لکھی ہوئی کتاب ” تھنک اگین“ انیل اننت سوامی دی تحریر کیتی ڳئی ” تھرو دی ٹو ڈورز ایٹ ونس دے علاوہ رومی دی ” دی السٹریٹڈ رومی: اے ٹریژری آف وزڈم فرام دی پوائنٹ آف دی سول“ اتے ”سخنِ افتخار“ از افتخار عارف شامل ہن ۔
