اسلام آباد۔16مارچ(اے پی پی)شہید ذوالفقار علی بھٹو انسٹی ٹیوٹ آف سائنس اینڈ ٹیکنالوجی (زیبسٹ) اچ یوتھ فورم آف کشمیر دے ڳانݙھے نال مقبوضہ کشمیر اچ کشمیری خواتین دی جدوجہد سانڳے سیمینار اچ یوم خواتین دے دستاویزی مقابلے جیتݨ آلیاں کوں انعام ونݙیے ڳن۔ تقریب اچ غیر سرکاری تنظیم پیس اینڈ کلچر دی چیئرپرسن مشعال حسین ملک مقبوضہ کشمیر اچ تریمتیں تے بھارتی فوج دے بہیمانہ مظالم اڳونہے کیتن اتے آکھیا جو بھارتی مظالم دا سامݨا کرتے تریمتیں اچ جدوجہد آزادی دے جذبات ٻئے تکڑے تھین اتے انہاں دا حوصلہ ودھیے۔ ایں موقع تے سابق وزیر آزاد جموں و کشمیر فرزانہ یعقوب نے کنن پوش پورہ عصمت دری دے واقعہ دا ݙینسے ایکوں ٻھارتی حربہ قرار ݙتے اتے عزم دوہرایا جو بھارت دے مقبوضہ کشمیری خواتین دے حق اچ آزاد جموں و کشمیر اتے پاکستان اچ الیندے رہسوں۔ ایں موقع تے اداکارہ لیلیٰ زبیری، فجر رابعہ پاشا سودھا ایگزیکٹو ڈائریکٹر کشمیر یوتھ فورم زمان باجوہ وی خطاب کیتے۔ زیبسٹ دی ایچ او ڈی ڈاکٹر ہما اتے میڈیا سٹڈیز ڈاکٹر واجد واضح کیتے جو کشمیری تریمتیں اپݨے جواناں دے ناہووݨ پاروں ٻہوں اوکھ ٻھوڳینداں پن۔
