اسلام آباد۔17مارچ (اے پی پی) وفاقی وزیر برائے ماحولیاتی تبدیلی سینیٹر شیری رحمان آکھیا جو ماحولیاتی تبدیلیاں اتے انہاں دے اثرات پاروں تھیوݨ آلی آفات دی شدت اساں توں اجتماعی اقدامات دا تقاضا کریندی اے کیونجو ایں وݙے عالمی چیلنج دا مقابلہ کرݨ کہیں کلھے ملک یا خطہ کیتے ممکن کائنی، ایں بارے دنیا دے ملک اتے بین الاقوامی اداریاں کوں رَل تے معقول حل ڳولݨا پوسی۔ جمعے کوں عالمی بینک ولوں “ملکی ماحولیاتی اتے ترقیاتی رپورٹ” دے اجراء دے موقع تے خطاب کریندیں ہوئیں انہاں آکھیا جو اساں ایں عرصے اچ چھل اتے ماحولیاتی تبدیلی دے ٻے واقعیاں نال ٻݨݨ آلی انسانی بحران ݙٹھن، موسمیاتی تبدیلیاں پاکستان اچ شدید اثرات مرتب کیتن اتے اڄوکے چھل پاروں غیر معمولی نقصانات دا سامݨا کرݨا پے۔ ایں موقع تے انہاں آکھیا جو پاکستان دی حکومت ولوں ملک اچ چھل متاثرین دی امداد تے بحالی دے کم، ماحولیات دے تحفظ تے ودھارے دے منصوبیاں کوں وی اجاگر کیتے۔
