اسلام آباد۔17مارچ(اے پی پی)صدر مملکت ڈاکٹر عارف علوی سرکاری اداراں دی بدانتظامی دے خلاف تیز اتے سستے انصاف کیتے وفاقی محتسب دے کردار بارے لوکاں کوں آگاہی فیوݨ کیتے ودھ مہم چلاوݨ تے زور ݙیندے آکھیے جو لوکاں دی شکایات کوں انہاں دی درسال تے حل کرݨ کیتے وفاقی محتسب دی استعداد ودھیندے ہوئے ملک دے دور دراز علاقیاں تئیں ودھایا ونڄے، سرکاری اہلکاراں دیاں نا انصافیاں دے ماریے لوکاں کوں فوری سوکھ ملݨا چاہیدے۔ اے ڳالھ انہاں وفاقی محتسب پاکستان اعجاز احمد قریشی نال ملݨ ویلھے آکھی۔ اعجاز قریشی اپݨے ادارے دی کارکردگی رپورٹ پیش کیتی اتے 2022 اچ سرکاری اداراں دی بدانتظامی دے خلاف لوکاں کوں انصاف ݙیوݨ کیتے وفاقی محتسب دے کردار اتے کامیابیاں دا ڈسایا جو ادارے کوں 2021 اچ ہک لک 10 ہزار توں ودھ شکایاتاں ملین ڄݙاں جو 2022 اچ ہک لکھ 64,174 شکایات آئن جیندے اچوں وفاقی محتسب 2021 اچ 106,732 شکایات دے مقابلے 2022 اچ 157,770 شکایات دی داد رسی کیتی اے جیڑھی 50 فیصد توں وی ودھ اے۔
