اسلام آباد۔18 مارچ(اے پی پی)صدر پاکستان ڈاکٹر عارف علوی چائنا میڈیا گروپ کوں خصوصی انٹرویو ݙتے جیکوں سی ایم جی دے مختلف پلیٹ فارمز تے ٻہوں مقبولیت ملی اے۔ چینی میڈیا دے مطا بق چائنا میڈیا گروپ دے مختلف چینلز صدر پاکستان دے انٹرویو کوں اپݨے پرائم ٹائم اچ چلائے اتے اینڄھے مقبول ترین ٹی وی پروگرامز اچ پاتے جیکوں چینی ناظرین ٻہوں چاہندن، ایں سانڳے ݙو وݙے پروگراماں اچ لیڈر ٹاک وی شامل اے جتھاں مقبول ترین لیڈراں کوں سݙیا ویندے۔ ایویں چائنا میڈیا گروپ دے پروگرام شین ون لیان بو اچ وی ڈاکٹر عارف علوی دا انٹرویو چلیے۔ اے پروگرام ٻہوں مقبول اے جیکوں ماہانہ ست ارب توں ودھ واری ݙٹھا ویندے۔ ٹی وی چینلز دے نال نال چائنا میڈیا گروپ دے سوشل میڈیا پلیٹ فارمز وی صدر پاکستان دے انٹرویو کوں وݙی کوریج ݙتی اے۔ چینی صارفین اتے پاکستانی تارکین وطن وی صدر مملکت دے انٹرویو کوں پسند کیتے۔
