اسلام آباد۔20مارچ (اے پی پی):پاکستان مسلم لیگ(ن) دے سینئررہنما وسابق ڈپٹی سپیکرقومی اسمبلی و سینیٹر چودھری جعفراقبال آکھیے جو چیئرمین پی ٹی آئی قانون دی حکمرانی دابھاشن ݙیندے نہ تکھدے ہن لیکن انہاں دا طرز عمل ایندے برعکس اے،کتنے افسوس دا مقام اے جو ھک بندہ ھک بندے دی ضد اتے انا دی سیاست دی وجہ توں ملک دا سیاسی ماحول خراب تھیندا پئے ، اوعدالت پیشی تے کارکناں دی بارات گھن تے ویندن ۔ انہاں آکھیے عمران خان دی سیاست ملک کوں تاریکی آلے پاسے سٹ ݙتے ، لیڈر بھاویں کہیں وی سیاسی پارٹی توں تعلق رکھیندا ہووے او ہمیشہ عوام اتے کارکناں دی آواز بݨ تے ساریں توں اڳوں ہوندے لیکن اے بندہ کارکناں کوں ڈھال بݨا تے گرفتاری توں بچݨ کیتے انہاں دے پچھوں لکیا ٻیٹھے ،الیکشن دی آڑ اچ این آر او منگݨ آلے کوں کہیں صورت این آر او نہ ݙتا ویسی ۔ چودھری جعفراقبال آکھیے جݙاں وی مسلم لیگ(ن) اقتدار اچ آئی ملک ترقی دے رستے تے ٹریا لیکن عمران خان ایں ملک کوں تاریکی آلے پاسے سٹ ݙتا ،انہاں اپݨی ذات کیتے نہ صرف ملک کوں دائو تے لاڈتا بلکہ عوام کیتے جذبات تے احساسات نال کھیݙیان تے انہاں کوں گمراہ کیتے۔
