اسلام آباد۔20مارچ (اے پی پی)وفاقی وزیر تعلیم و پیشہ ورانہ تربیت رانا تنویر نال وائس چانسلر قائد اعظم یونیورسٹی ڈاکٹر نیاز احمد اختر ملاقات کیتی۔سنوار کوں وزارت تعلیم توں جاری بیان موجب ملاقات اچ سیکرٹری وفاقی تعلیم و پیشہ ورانہ تربیت جناب وسیم اجمل چوہدری موجود ہن ۔ایں موقع تے رانا تنویرآکھیے قائداعظم یونیورسٹی کوں پیش آندے چیلنجز تے وختی توجہ ݙیوݨ دی لوڑھ اے ۔ انہاں آکھیے قائداعظم یونیورسٹی ھک باوقار یونیورسٹی اے اتے طلباء دا مستقبل اولین ترجیح اے۔وفاقی وزیر آکھیے احتساب دے بغیر کوئی ادارہ ترقی نی کرسڳدا ۔ انہاں روشنی پاتی جو مکمل احتساب موثر انتظام اچ اہم کردار ادا کریندے ۔ انہاں آکھیے ہر بندہ اپݨی طاقت اتے اختیار دا ایویں جوابدہ ہے جیویں او پاکستانی عوام کوں جوابدہ ہے۔ انہاں ایں ڳالھ کوں یقینی بݨاوݨ دے عزم دا اعادہ کیتا جو قائداعظم یونیورسٹی دے سارے موجودہ مسئلیں کوں جنگی بنیاداں تے حل کیتا ونڄے۔ انہاں ڈاکٹر نیاز کوں انہاں دی وݙی توقعات کوں اجاگر کریندے ہوئیں مکمل تعاون دا یقین ݙیوایا ۔قائداعظم یونیورسٹی دے وائس چانسلر ڈاکٹر نیاز احمد اختر وزیر دی طرفوں انہاں تے کیتے ڳئے اعتماد تے پورا لہݨ دا دا یقین ݙیوائے ۔
