آرمی چیف دے خلاف مہم ناقابل برداشت اتے اداریں دے خلاف سازش دا تسلسل اے، وزیراعظم

اسلام آباد۔20مارچ(اے پی پی) وزیر اعظم شہباز شریف فوج اتے ایںدے سربراہ دے خلاف ٻاہرلے ملک غلیظ مہم دی شدید مذمت کریندے ہوئیں آکھیے جو آرمی چیف دے خلاف مہم ناقابل برداشت اتے اداریں دے خلاف سازش دا تسلسل اے،ٻاہرلے ملک محب وطن پاکستانی فارن فنڈڈ مہم دے خلاف آواز چاون۔ وزیر اعظم آفس دے میڈیا ونگ توں جاری بیان موجب وزیراعظم آکھیے جو ٻاہرلے ملک پاکستانیاں دے ذریعے زہریلی سیاست کوں کھنڈایا ویندا پئے ۔ وزیراعظم آکھیے ٻاہرلے ملک پاکستانی ایں سازش دا حصہ نہ بݨن ،عمران خان اداریں اتے انہاں دے سربراہواں کوں آپݨی گندی سیاست اچ گھیل تے آئین شکنی کریندے پئن ۔وزیر اعظم آکھیے وزیر داخلہ ملک دے اندر اداریں دے خلاف غلیظ مہم چلاوݨ آلیں نال اوکھے ہتھاں نال نبݨن ۔پاکستان اچ افراتفری ، فساد اتے بغاوت کوں ہوا ݙیوݨ آلیں دے خلاف سخت قانونی کارروائی کیتی ویسی ۔میرٹ تے تعینات تھیوݨ آلے آرمی چیف دے خلاف مہم ملک دشمناں دا ایجنڈا ہی تھی سڳدے ۔ قوم اپݨے اداریں دے نال کھڑی اے، شرپسنداں دے خلاف ھک مٹھ اے۔