اسلام آباد۔21مارچ (اے پی پی) وفاقی وزیر برائے منصوبہ بندی، ترقی تے خصوصی اقدامات پروفیسر احسن اقبال آکھیا جو ترقی، خوشحالی اتے روشن مستقبل کیتے سیاسی استحکام ٻہوں ضروری اے۔ اے ڳالھ انہاں منگل کوں وزیر اعظم شہباز شریف دے وژن دے تحت وزیر اعظم دے یوتھ ڈویلپمنٹ انیشیٹوز دی افتتاحی تقریب توں خطاب کریندیں ہوئیں آکھی۔ انہاں آکھیاجو اگر اساں ملک کوں ترقی آلے پاسے ڳھن ونجݨ چاہندوں تاں اساکوں سیاسی استحکام اتے پالیسیاں دےتسلسل کوں یقینی ٻݨاوݨاپوسی۔ نینگر ملک دی ݙوتہائی آبادی ہن، انہاں دے روشن مستقبل کیتے تعلیم، ہنرمندی اتے روزگار دے موقع ݙیوݨ دی ٻہوں لوڑھ اے۔
