اسلام آباد۔22مارچ (اے پی پی):صدر مملکت ڈاکٹر عارف علوی دہشت گردی اتے انتہا پسندی مکاوݨ کیتے کوششاں جاری رکھݨ دے عزم دا اعادہ کریندے ہوئیں شہدا کوں وطن کیتے جان دا نذرانہ پیش کرݨ تے خراج عقیدت پیش کیتے۔ ایوان صدر دے پریس ونگ توں جاری تعزیتی بیان موجب صدر مملکت بریگیڈیئر مصطفیٰ برکی اتے ٻئے سپاہیاں دی شہادت تے ݙکھ تے افسوس کیتے ۔ انہاں آکھیے دہشت گرداں دے خاتمے کیتے قوم اپݨی بہادر افواج دے رلے ہے۔ صدر مملکت شہدا کیتے اچے درجے تے انہاں دے خاندان کتیے صبر دی دعا کریندے ہوئیں شہدا کوں وطن کیتے جاناں دا نذرانہ ݙیوݨ تے خراج عقیدت پیش کیتے۔
